إية رأيك ف الصداقة عن طريق النت .......؟؟؟؟؟؟؟؟

ADMIN كتب:

السلام عليكم
وعليكم السلام ورحمة الله وبركاته
إزيكم يا شباب
الحمد لله تمام
النهاردة انا عايز
افتح نقاش ف موضوع الصداقة من عالنت ممكن يكون الموضوع اتفتح قبل كدة لكن
انا المرة دى عايز نتناقش من واجهة تانية
انت تتناقش من الوجهة اللى تعجبك
حد يقدر يعترض بردو؟


وهيا إنك تتعرف على حد جديد من عالنت ........؟؟؟؟؟؟؟





انا هتكلم عن النوع الأول
positive

ياترى ممكن ان الصداقة ولنفترض بين ولد و ولد أو بنت وبنت من عالنت صداقة حقيقية وطبيعية ؟
بمعنى ان بيكون فيها

1- إخلاص ف النصيحة ..؟؟
ايوة طبعا ودا بيكون بنسبة عالية جدااااااااااااااا
وبعدين يعنى هو بينصح وانت اكيد بتشغل عقلك
يعنى كلامه مش قران وتشوف اللى ف صالحك
بس افرض حسن الظن والنية
2- هل تظهر الشخصية الطبيعية للشخص (أم أن للتواصل وجها لوجه يختلف ف المعاملة)..؟؟
والله دا يرجعلك انت انت لو شايفه صادق يبقى التواصل وجها لوجه مش هيختلف
لكن لو العكس وحسيت ان الشخصية دى بتدعى شخصية مختلفة عن واقعها
يبقى التواصل المباشر هيختلف تماما
3-هل تتضمن ان يكون هذا الشخص مؤتمن (إنة ميكونش هاكر مثلا أو شخص كاذب)..؟؟
طبعا مفيش حاجة مضمونة خالص
لكن بالنسبة لى الحاسة السادسة بتعمل معايا شغل عالى اوى
يعنى اى حد برفض انى اتعرف عليه بكتشف بعد كده ان كان وراه مصيبة
اه والله الحمد لله
4-وهل إذا توفرت الفرصة وحدثت مقابلة ف الحقيقة سيكون نفس الإنطباع عن الشخص أم انة ممكن يختلف ..؟؟
ما احنا قولنا قبل كده لو كان صادق من البداية يبقى مش هيختلف
5- هل ممكن تنجح صداقة إستمرت فترة من عالنت وإنتقلت للحقيقة وهل لك تجرب شخصية تثبت ذلك ..؟؟
اه ممكن تنجح جدااااااااااااا
لكن مليش تجارب شخصية الحقيقة
ودا لانى برفض الصداقة
لكن عرفت بنات من ع النت وشفتهم ف الحقيقة
وبينا علاقات ود واحترام ومحبة متبادلة لكن مش اصدقاء

الأسئلة دى من حق كل
واحد يجاوب من وجهة نظرة و من خلال تجاربة الشخصية عشان الكل يستفيد منها
وف النهاية يوضح ما إذا كان يؤيدها أو يرفضها وهل لها حدود ام لا ؟؟؟
لا انا مش برفضها وبردو مش بايدها
وطبعا كل شئ وله حدود

وانا هيكون ردى عنها ف نص النقاش
انت تقول ف الوقت اللى يعجبك
وطبعا منتظرينه
تحياتى لكم
راااااااااااااااائع يا ادمن نقاش هادف فعلا
مناقشاتك جامدة بجد

Dr/ِِِِAhmed Habib

ADMIN كتب:

[/size] 1- إخلاص ف النصيحة ..؟؟
على حسب شخصيتة هل هو معطاء فبتكون النصيحة بإخلاص اما لو مستغل ولية هدف عايز يوصلة بيبقى كلامة بيدور حوالين فكرة معينة اللى هو عايزها
2- هل تظهر الشخصية الطبيعية للشخص (أم أن للتواصل وجها لوجه يختلف ف المعاملة)..؟؟
بعض الشخصيات الضعيفة بتاخد من وراء النت ستار لتصل إلى ما فشلت ف تحقيقة ف الواقع ولكن ف الحالة دى بتؤدى لإنعزال عن العالم الخارجى و بتؤدى فيما بعد إلى الإنطواء ودا غلط ولازم يلحق نفسة ويصحح الموضوع دا
فبالتالى ممكن بيظهر بشخصية عالنت وشخصية تانية خاااالص ف الحقيقة والحل إنة لازم يوازن ما بين الإتنين ويجد نفسة

3-هل تتضمن ان يكون هذا الشخص مؤتمن (إنة ميكونش هاكر مثلا أو شخص كاذب)..؟؟

للأسف فى ناس عندها هواية الكذب وبتكون لها متعة وبالفعل كنت أعرف واحد كان عايش قصة طويلة كلها فشر ف فشر لمجرد إنة بيستمتع بإنة بيضحك ع الناس مع إنة إحنا مش محتاجينة ف حاجة
دا غير إن الهاكر لو إستلمت منة أى ملف ببساطة يقدر يخترق جهازك ولكن ف مراحل متطورة

4-وهل إذا توفرت الفرصة وحدثت مقابلة ف الحقيقة سيكون نفس الإنطباع عن الشخص أم انة ممكن يختلف ..؟؟
على حسب صدق شخصيتة الطبيعية وتوافقها مع شخصيتة اللى عالنت وكل ما كان التشابه أكتر كل ما كان الإنطباع ثابت وسريعا ما تذوب الغربة

5- هل ممكن تنجح صداقة إستمرت فترة من عالنت وإنتقلت للحقيقة وهل لك تجرب شخصية تثبت ذلك ..؟؟
عن نفسى حصل حاجة زى كدة لكن طبعا اول ما أشوف الشخصية بتبقى مشكلة إنك راسم صورة معينة وتفاجئ بشكل تانى خالص لكن بحاول اتغلب عالإحساس دا وبشوية إجتماعية الموضوع بيعدى
جربتها كتير لكنى معنتش بحبذها وإذا كنت مضطر بحاول أخللى العلاقة عالنت مع الشخص (اللى عايز اتعرف علية ف الحقيقة ) بسيطة ... عشان تبقى أعمق ف الحقيقة أكتر منها عالنت

الأسئلة دى من حق كل
واحد يجاوب من وجهة نظرة و من خلال تجاربة الشخصية عشان الكل يستفيد منها
وف النهاية يوضح ما إذا كان يؤيدها أو يرفضها وهل لها حدود ام لا ؟؟؟

انا عن نفسى أعرف نموذج معين ولغاية دلوقتى بستغرب لية جدا إن شخص معين فضل طول حياتة لم يجد الصديق اللى يوافقة تماما ووجدة ف السنوات الأخيرة من دراستة الجامعية عن طريق النت وقابلة ف الحقيقة وهما الإتنين دلوقتى ما شاء الله أصدقاء بمعنى الكلمة ربنا يوفقهم



تحياتى لكم
Dr/ِِِِAhmed Habib