دروس الرزاله

انا عارف انا الرزاله كترت اليويمن دول

ومبقاش فيه حد محتاج دروس فيها لكن يله

اهو عمل اجتماعي مفيد

وبنشغل بيه اجازتنا


الحصه الاولي في الرزاله



أزاي تبقي رزل في المواصلات


لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه
وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول
ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك



طبعا الكلام ده كله هزار اوعي حد يصدق

سلام

أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

احلى حاجه عجبتني الحته دي
اشطا يابوب
وياريت نشوف المزيد من المواضيع الحلوه زي دي

ايه يا عم ده داحنا كده هناخد ضرب بالهبل بالذات فى الحر ده دانت لما بتكون مش عارف تمن التذكره بيقولك على اساس انك مش عايش معانا يا اخ
ممكن يقولك فى
حاله واحده اذا الاجره غليت اما بالنسبه للشخص اللى جنبك فامش بعيد يهزئك وميردش عليك فالطيب احسن

شكرا يا مان ع الرد الجميل

ان شاء الله هتشوف تاني

محضرلك المره الجايه ازاي تبقي رزل في الكليه

ان تأمر بس


******************

اما الاخت روناء فباين انها بتشوف رزاله كتير

فعلشان كده مش عايزه حد يذوق العذاب اللي هيا شفته

هيا صراحه بتبقي حاجه تخنق

لكن هتحسي بسعاده فائقه لما ترزلي علي حد

أسألي مجرب

هههههههههههههههه حبيب قلبى الجدع دا ياخد مكافأة عالموضوع دا


على فكرة إنت كدة عجبتى وفى إنتظار بتاع الكلية ولو إنى كنت كفاءة فى الحوار دا بس قلبتها إحترام إتخنقت للناس سلف

منور وإلى الأمام يا برنس

مشكور يا دك

ع المجامله الجميله منك

وانا مستني المكافأة طبعا

وحطيت لك ازاي تبقي رزل في الكليه

عايز اعرف رأيك

وتقولي انفع ابقي رزل

ولا اشوف شغلانه تانيه